El pescanciare las cousas

Chega´l día nel que los suaños finan, el pescanciare la rïalidá supera tou´l restu. La murnia vida que t´ensiña que las cousas nun son lu qu´amuesan.

Abres los gueyos, y daste cuenta de que presonalmente nun faes un res, que nun iguas nin la tua vida, nin las del restu. Que faes fatadas, que yes el mas babayu´l mundiu, que lluchas, que sofitas y que llueu, nun algamas un res.

Días, meses, años y nun camudas, nun deprendes lu que ye la vida. Dántela, escaeces los tous xeitos, los tous errores, y entoncenes ye cuandu talantas que yes lu que yes... que nun hai remediu, peru entós la xente ye la qu´esapaez. S´escaecen de ti y llueu, tan ceu comu entaman las cousas... asina finan.

La xente nun s´alcuerda de las cousas, nun agradez un res, nun echa una gueyadina atrás pa sere cosciente de tou lu que se fizu, de tolas gayolas, candangas, favores... peru esu que mas da, si nun son cousas que se veyan, que s´amuesen.

Ahina queda la murnia, l´amarguriu, comu caminare escalzu pula lleira, peru que más da...

Volver